నేడు వైయస్ న్యూ ఢిల్లీకి

హైదరాబాద్‌:ముఖ్యమంత్రి డాక్టర్‌ రాజశేఖర్‌రెడ్డి ఈరోజు (సోమవారం) మధ్యాహ్నం ఢిల్లీ వెళ్ళనున్నారు. ప్రధాన మంత్రి మన్మోన్‌సింగ్‌ ఆధ్వర్యంలో మంగళవారం జరగనున్న ముఖ్యమంత్రుల సమావేశానికి ఆయన వెళ్తున్నారు. ఈ సమావేశంలో ఉగ్రవాదుల దాడుల నిరోధం, నిఘా వ్యవస్థ బలోపేతం, న్యూక్లియర్‌ ఫ్లాంట్‌ తో సహా పలు కీలక అంశాలు చర్చకు వస్తాయి.

అలాగే ఈ సందర్భంలో వైయస్ గత నాలుగున్నరేళ్ళలో రాష్ట్రంలో చేసిన అభివృద్ధి, చేస్తున్న పనులపై ఒక నివేదికను ప్రధాని, సోనియాలకు ఇవ్వనున్నారు. రాష్ట్ర అభివృద్ధి పనులకు మరిన్ని నిధులను కోరనున్నారు. ఏప్రిల్‌ నుంచి అమలు చేయనున్న కోటి మంది మహిళల పెన్షన్‌ పథకం ప్రారంభానికి సోనియాను ఆహ్వానించనున్నారు.