గ్రూప్ రేప్ చేసి వీడియో తీసి..

కొత్తగూడెం :ప్రేమించానని చెప్పి బయిటకు తీసుకెళ్ళి ప్రెండ్స్ తో కలిసి గ్రూప్ రేప్ చేసి సెల్ తో వీడియో తీసిన సంఘటన ఒకటి లేటుగా వెలుగులోకి వచ్చింది. రెండేళ్ల క్రితం పట్టణానికి చెందిన ఒక బాలిక (16) లక్ష్మీదేవిపల్లిలోని ఓ కాలేజీలో ఇంటర్మీడియట్‌ చదువుతుండేది. ఆ సమయంలో ప్రేమ పేరుతో ఒక వ్యక్తి ఆమెకు పరిచయమయ్యాడు. తొందరలోనే ఇద్దరి మధ్య శారీరక సంబంధం ఏర్పడింది.

2007 ఫిబ్రవరి 17న బాలికను ఆ యువకుడు కాలేజి వద్ద నుంచి ఆటోలో బయిటకు తీసుకొచ్చాడు. మార్గమధ్యంలో అతని స్నేహితులు కూడా అదే ఆటోలో ఎక్కారు. తన లవర్ ప్రెండ్సే అనుకున్న ఆ అమాయకురాలు వారి మనస్సులో కుట్రను గమనించలేదు. అట్నుంచి అటే రామవరం గరీబ్‌పేట సమీపంలోని అడవిలోకి వెళ్లారు. మొదట ఆ బాలికతో ఆ ప్రేమికుడు శృంగారంలో పాల్గొన్నాడు. ఆ తర్వాత బలవంతంగా ఆమెతో మద్యం తాగించాడు. మత్తులో పడిపోయిన ఆమెను అతడి స్నేహితులు సామూహికంగా బలాత్కరించారు.

అనంతరం ఆ దృశ్యాలను సెల్‌ఫోన్‌ ద్వారా చిత్రించారు. ఆ సన్నివేశాలకు సంబంధించిన సీడీలను రెండేళ్ల తర్వాత ఇప్పుడు ఒక ఇంటర్నెట్‌ కేంద్రంలో కాపీ చేస్తుండగా విషయం బయటికి పొక్కింది. సమాచారం తెలుసుకున్న పట్టణ సీఐ బి.అశోక్‌కుమార్‌, సీడీల ఆధారంగా ఎనిమిది మంది నిందితులను అదుపులోకి తీసుకుని విచారిస్తున్నట్లు సమాచారం.