బాబు ఇంట్లో కెసీఅర్ 'మహా' ముచ్చట్లు

హైదరాబాద్‌: తెలుగుదేశం అధ్యక్షుడు చంద్రబాబు నాయుడితో గురువారం తెలంగాణ రాష్ట్ర సమితి అధ్యక్షుడు కెసిఆర్‌ భేటీ అయ్యారు. భవిష్యత్‌ కా ర్యాచరణ, పొత్తులపై విధాన నిర్ణయం ప్రకటించే క్రమంలో వీరు భేటీ అయినట్లు పార్టీ వర్గాల ప్రాథమిక సమాచారం. విజయశాంతితో కెసిఆర్‌ సమావేశానంతరం, తాజాగా జరుగుతున్న వీరి సమావేశం సరికొత్త రాజకీయ సమీకరణలకు తెరతీసే అవకాశం కనిపిస్తున్నది.

మహాకూటమిలో కెసిఆర్‌ చేరడం ఖాయమే అయినా, అడపదడపా కాంగ్రెస్‌ సీనియర్లు కెసిఆర్‌ తో చేస్తున్న పట్టువదలని ప్రయత్నాలు వాతావరణాన్ని వేడెక్కిస్తున్నాయి. కెసిఆర్‌ వైఖరి కూ డా ప్రకటన రూపం దాల్చకపోవడం టిడిపి వర్గాల కంగారుకు మరో కారణం. అయితే కెసిఆర్‌ తన పరివారంతో సహా బాబు నివాసానికి వెళ్ళి చర్చలు జరపడం తాజా పరిణామం. కెసీఅర్ తో చర్చలు జరిపిన అనంతరం వామపక్షాల నాయకులు రాఘవులు, నారాయణ కూడా చంద్రబాబు నివాసానికి వచ్చి కెసీఆర్ తో గ్రూపు ఫోటో దిగారు. దీనితో మహా కూటమికి గట్టి పునాదులు పడినట్టే.