రాజు సీఐడీ కస్టడీపై నేడు విచారణ

హైదరాబాద్‌: సత్యం కంప్యూటర్స్‌ మాజీ చైర్మన్‌ బి.రామలింగరాజు, ఎండీ బి.రామరాజు, సీఎఫ్‌వో వడ్లమాని శ్రీనివాస్‌ల సీఐడీ కస్టడీపై విచారణ శనివారం జరగనుంది. రామలింగరాజు, రామరాజు, శ్రీనివాస్‌ల నుంచి ఇంకా ఎన్నో విషయాలు రాబట్టాల్సి ఉన్నందున వారిని ఏడు రోజుల పాటు తమ కస్టడీలో ఉంచాలని సీఐడీ పిటిషన్‌ దాఖలు చేసిన విషయం విదితమే.

రామలింగరాజును ప్రశ్నించడానికి అనుమతివ్వాలని కోరుతూ సెక్యూరిటీస్‌ అండ్‌ ఎక్ఛేంజ్‌ బోర్డ్‌ ఆఫ్‌ ఇండియా (సెబీ) మరో పిటిషన్‌ దాఖలు చేసింది. రామలింగరాజుకు జైలులో ప్రత్యేక పౌరుని హోదా కల్పించాలని కోరుతూ దాఖలైన పిటిషన్‌, రాజును ప్రశ్నించడానికి అనుమతివ్వాలని సెబీ పెట్టుకున్న పిటిషిన్లపై విచారణ సోమవారం జరగనుంది.