ఉద్యోగులను బతిమాలుకున్న బాబు

విశాఖపట్నం: తెలుగుదేశం అధినేత చంద్రబాబు నాయుడు ఈ మధ్య ప్రభుత్వ ఉద్యోగులకు క్షమాపణలు చెప్పుకుంటున్న తీరులో వ్యవహరిస్తున్నారు. చంద్రబాబు వైఖరిలో మార్పు కొట్టొచ్చినట్లు కనిపించింది. విశాఖలో పర్యటిస్తున్న బాబు ఉద్యోగులపై వరాల జల్లు కురిపించారు. టిడిపి హయాంలో వారిపై ఒత్తిడి పెంచినందుకు వారు ఆగ్రహంగా ఉన్నారని, ఇక నుంచి వారి మనసెరిగి న డుచుకుంటానని వాగ్ధానం చేశారు. పలు ప్రోత్సహకాలు కూడా ఇస్తామని ప్రకటించారు.

ఐదు రోజుల పర్యటన కోసం ఉత్తరాంధ్ర పర్యటనకు బయలుదేరిన చంద్రబాబుకు విశాఖ ఎయిర్‌పోర్టులో నేతలు ఘన స్వాగతం పలికారు. అనంతరం విశాఖ రోడ్‌ షోలో ఉద్యోగు లకు తన మీద కోపం తగదని, ఇక వారి కోసం ప్రత్యేక పథకాలూ ప్రవేశ పెడతామని హా మీ ఇచ్చారు. ఇక కాంగ్రెస్‌ సర్కారు అవినీతిపై తీవ్ర స్థాయిలో బాబు విరుచుకుపడ్డారు.