రామలింగరాజుకు 31 వరకు రిమాండ్

హైదరాబాద్: సత్యం కంప్యూటర్స్‌ మాజీ ఛైర్మన్‌ రామలింగరాజు, మాజీ సీఎఫ్‌వో వడ్లమాని శ్రీనివాస్‌ల జుడిషియల్ రిమాండ్ ను ఈనెల 31 వరకు పొడిగించారు. సిఐడి పోలీసులు తనను ఇబ్బంది పెట్టలేదని రాజు తన న్యాయవాది భరత్ కుమార్ కు చెప్పారు. రామలింగరాజు, వడ్లమాని శ్రీనివాస్‌లను సీఐడీ పోలీసులు ఈ సాయంత్రం నాలుగు గంటలకు తమ కార్యాలయం నుంచి నాంపల్లి కోర్టుకు తరలించారు.

వీరికి నాలుగు రోజులపాటు విధించిన సీఐడీ కస్టడీ నిన్నటితో ముగిసినా, సీఐడీ అధికారుల అభ్యర్థన మేరకు ఈరోజు సాయంత్రం వరకు వారి ఆధీనంలోనే ఉంచుకోవడానికి నాంపల్లి కోర్టు అనుమతించింది. ఈ గడువు ఈ సాయంత్రం ముగియడంతో వారిని సీఐడీ పోలీసులు కోర్టులో హాజరుపరిచారు.