కాంగ్రెస్ పై కస్సుమన్న బాబూ మోహన్‌

హుస్నాబాద్: ఇందిరమ్మ, ఉపాధి హామీలాంటి పథకాలెన్నో అవినీతికి అడ్డాలు మారాయని,అవినీతికి కేరాఫ్‌ అడ్రస్‌ కాంగ్రెస్‌ అని తెలుగుదేశం నాయకులు మాజీ మంత్రి బాబుమోహన్‌ అన్నారు. సత్యం, ఏలుగుబంటి సూర్యప్రకాశ్‌, సరసాదేవి ఇలా రోజుకో అవినీతి కుంభకోణం వెలుగుచూస్తుందని దుయ్యబట్టారు. శుక్రవారం కరీంనగర్‌ జిల్లా హుస్నాబాద్‌లోని టీడీపీ కార్యాలయంలో ఏర్పాటు చేసిన మీడియా సమావేశంలో ఆయన మాట్లాడారు.

అలాగే హుస్నాబాద్‌ నియోజకవర్గాన్ని మహాకూటమి పొత్తులో భాగంగా సీపీఐకి కేటాయించే అవకాశాలు ఉన్నాయని, స్థానిక నాయకులకు ఎమ్మెల్సీ స్థానమైనా వచ్చేలా అధినేత దృష్టికి తీసుకెళ్ళాలని ఆయన కోరారు. ఈ విషయాన్ని తెలుగుదేశం పార్టీ అధ్యక్షుడు చంద్ర బాబు దృష్టికి తీసుకవెళ్ళుతానని ఆయన చెప్పారు. అంతేగాక చిన్న సినిమాలను తీసే నిర్మాతలకు ఇక్కడ అవకాశం లేదని, సినిమాను ఆడించే అర్హత లేకుండా చేశారని చెప్పారు. ఏ రాష్ట్రంలో లేని విధానం ఇక్కడ ఉందని పక్క రాష్ట్రాలో చిన్న నిర్మాతలకు మంచి ప్రోత్సహం లభిస్తుందన్నారు. ఈ మధ్యనే ఆయన తన కుమారుడు హీరోగా చేసిన సమ్మక్క సారక్క చిత్రం యాభై రోజుల పండుగ జరుపుకుంది.