బీసీలకు అధిక టికెట్లు: డి.శ్రీనివాస్

కడప: రాబోయే ఎన్నికల్లో బీసీలకు ప్రాధాన్యం ఇస్తామని పీసీసీ అధ్యక్షుడు డి.శ్రీనివాస్‌ అన్నారు. ముఖ్యమంత్రి కడప జిల్లా పర్యటనలో భాగంగా ఆయన వెంట వచ్చిన డీఎస్‌ శనివారం ఉదయం కడపలో నూతనంగా నిర్మించిన పీసీసీ కార్యాలయాన్ని ముఖ్యమంత్రితో కలిసి ప్రారంభించారు.

అనంతరం పీసీసీ కార్యదర్శి ఇంట్లో అల్పాహార విందులో పాల్గొన్నారు. అనంతరం మీడియాతో మాట్లాడుతూ వచ్చే ఎన్నికల్లో కాంగ్రెస్‌ విజయం తథ్యమని ధీమా వ్యక్తం చేశారు. తెలంగాణ విషయంలో ముఖ్యమంత్రితో తనకు విభేదాలు ఉన్న మాట వాస్తవమేనని నిన్న డిఎస్ అంగీకరించిన విషయం ఇక్కడ ప్రస్తావించలసి ఉంది.