మాది కులపార్టీ కాదు: నాగేంద్రబాబు

విశాఖపట్నం: ప్రజారాజ్యం పార్టీని కులరాజ్యంగా కొందరు ఆరోపించటం వారి తెలివితక్కువ తనానికి నిదర్శనమని నాగేంద్రబాబు అన్నారు. విశాఖలో నగర, జిల్లా కార్యాలయాలను ఆయన ప్రారంభిస్తూ ఆయన మీడియాతో మాట్లాడారు.అలాగే అన్ని వర్గాల వారిని సమానంగా ఆదరిస్తూ...సామాజిక న్యాయం పాటిస్తూ ముందుకెళ్తున్న పార్టీ తమదన్నారు.

కేశినేని వ్యాఖ్యలపై మాట్లాడుతూ...కొత్తగా పార్టీ పెట్టినప్పుడు వ్యక్తుల తక్షణ అవసరాలు తీరే పరిస్ధితి ఎవరికీ ఉండదని అంతకాలం ఆగే ఓపిక కేశినేని నానికి లేదని అందుకే పార్టీని వదిలివెళ్లారని అన్నారు. దీనిపై చిరంజీవి తగిన సమయంలో స్పందిస్తారన్నారు. అలాగే తమ పార్టీలో బంధుత్వాలకు, ప్రలోభాలకు ఆస్కారం లేదని ..పనితీరు ఆధారంగానే అభ్యర్థులకు టిక్కెట్లు ఖరారు చేస్తామని ఇందులో అన్నారు. ఇక నాగేంద్రబాబుని అక్కడ నాయకులు విశాఖనుంచి పోటీ చేయాలని కోరగా తనకు ఆసక్తి లేదని చెప్పారు.