పాక్ పై ప్రెజర్ తెండి: ప్రణబ్

న్యూఢిల్లీ: పాకిస్ధాన్..ఉగ్రవాద నియంత్రణకు చర్యలు తీసుకున్న దాఖలాలు లేవని ఆర్థిక మాంద్య ప్రభావంపై ఏర్పాటు చేసిన సమావేశంలో ప్రణభ్ ముఖర్జీ ఎద్దేవా చేశారు. అలాగే ఐక్యరాజ్యసమితిని కూడా పాక్‌ నేతలు నమ్మించే ప్రయత్నాలు చేస్తున్నారని ఆయన పాక్‌ వైఖరిని తీవ్రంగా విమర్శించారు. అంతేగాక పాక్‌లోని ఉగ్రవాదులను కట్టడి చేసేందుకు ఆ దేశంపై ఒత్తిడి పెంచాలని ఆయన ఐక్యరాజ్యసమితి ప్రధాన కార్యదర్శి బాన్‌కీమూన్‌కి విజ్ఞప్తి చేశారు. ముంబయిలో మారణహోమానికి పాల్పడింది పాక్‌ ఉగ్రవాదులేనని ఆయన స్పష్టం చేశారు.

ఈ సందర్భంగా ఉగ్రవాదులను ఏరిపారేస్తామని, ఆ నిర్ణయానికి కట్టుబడి ఉన్నామని పాక్‌ అధ్యక్షుడు జర్దారీ, ప్రధాని గిలానీ ఈ మేరకు స్పష్టమైన హామీ ఐక్యరాజ్య సమితికి ఇచ్చినట్లు కేంద్ర విదేశాంగమంత్రి ప్రణబ్‌ముఖర్జీ గుర్తు చేసారు. ఐక్యరాజ్యసమితి ప్రధాన కార్యదర్శి బాన్‌కిమూన్‌తో ఈ రోజు మాట్లాడుతూ ఈ విషయాన్ని స్పష్టం చేసారు ప్రణభ్. అయితే అంతర్జాతీయ సమాజానికి పాక్‌ ఇచ్చిన మాట నిలబెట్టుకోవటం లేదని అన్నారు.