జకీర్ హుస్సేన్ కు గ్రామీ అవార్డు

న్యూఢిల్లీ: ప్రముఖ తబలా విద్వాంసుడు జకీర్ హుస్సేన్ కు గ్రామీ అవార్డు లభించింది. గ్లోబల్ డ్రమ్ ప్రాజెక్టు ఆల్బమ్ కు గాను వర్తమాన ప్రపంచ సంగీత ఆల్బమ్ కెటగిరీలో ఆయనకు ఈ అవార్డు లభించింది. ఈ ఆల్బం కోసం హుస్సేన్ సికిరు అడెపోజు, పుయెర్టో రికాన్ జాజ్, గియోవాన్ని హిడల్గోలతో కలిసి పని చేశారు.

ఉత్తమ సంప్రదాయ ప్రపంచ సంగీతం కెటగిరీలో స్లయిడ్ గిటారిస్టు దేవశీష్ భట్టాచార్య, శాస్త్రీయ గాత్ర సంగీతంలో లక్ష్మీశంకర్ నామినేట్ అయినప్పటికీ అవార్డును సాధించలేకపోయారు.