దాసరికి ఎన్టీఆర్ అవార్డు

హైదరాబాద్‌: ప్రముఖ దర్శక నిర్మాత దాసరి నారాయణరావుకు 2008 సంవత్సరానికి ఎన్టీఆర్‌ అవార్డు లభించింది. చిత్రరంగానికి అందించిన బహుముఖ సేవలకు గుర్తింపుగా ఈ అవార్డుకు ఆయనను ఎంపిక చేసినట్లు రాష్ట్రప్రభుత్వం బుధవారం తెలిపింది. ప్రతిష్టాత్మకమైన రఘుపతి వెంకయ్యనాయుడు అవార్డుకు 2008 సంవత్సరానికి ప్రముఖ నిర్మాత తమ్మారెడ్డి భరద్వాజను ఎంపిక చేసినట్లు ప్రకటించారు.

తమ్మారెడ్డి భరద్వాజ నేను పెళ్లికి రెడీ, వన్ బై టు వంటి పలు చిత్రాలను నిర్మించారు. తెలుగు చలనచిత్ర నిర్మాతల మండలికి ఆయన అధ్యక్షుడిగా పని చేస్తున్నారు. దాసరి నారాయణ రావు గురించి చెప్పాల్సిన అవసరం లేదు. ఆయన పలు ప్రయోజనాత్మక, ప్రయోగాత్మక సినిమాలకు దర్శక్తవం వహించారు. ఆయన దర్శకత్వంలో వచ్చిన ఎన్నో సినిమాలు బాక్సాఫీసు వద్ద ఘన విజయం సాధించాయి. ఆయన పలు చిత్రాలను సొంతంగా నిర్మించారు కూడా.