అసెంబ్లీ లైవ్ వద్దు: వైయస్

హైదరాబాద్‌: అసెంబ్లీ గౌరవం మంటగలిసే రీతిలో సభ్యులు వ్యవహరించటం శోచనీయమని, మీడియాలో దీనికి ప్రచారం రావటం కూడా సభకు గౌరవం కాదని ముఖ్యమంత్రి వైయస్ రాజశేఖరరెడ్డి బుధవారం సభలో అన్నారు. ప్రసారాల వల్ల ఇలాంటి సంఘటనలు మరింత పెరిగే అవకాశం ఉందన్నారు. అసెంబ్లీ ప్రత్యక్ష ప్రసారాల విషయంపై పునఃసమీక్షించాలని ఆయన ఈ సందర్భంగా సూచించారు.

మెజారిటీ సభ్యుల సూచనమేరకు దీనిపై నిర్ణయం తీసుకుంటామని డిప్యుటీ స్పీకర్‌ కుతూహలమ్మ తెలిపారు. సీఎం సూచనను ఎంఐఎంతో సహా పలువురు సభ్యులు సమర్థించారు. మీడియాతో మాట్లాడిన సందర్భంగా స్పీకర్‌ సురేష్‌ రెడ్డి ఈ విషయాన్ని ధృవీకరించారు. దీనిపై ఆలోచించి నిర్ణయం తీసుకుంటామని అన్నారు. ప్రత్యక్ష ప్రసారాలను నిలిపేయాలని మెజారిటీ సభ్యులు కోరుతున్నారని, ఈ విషయంపై ఇంకా నిర్ణయం తీసుకోలేదని ఆయన అన్నారు.