సీట్లపై జాప్యం నిజమే: రాఘవులు

హైదరాబాద్‌: మహాకూటమిలో సీట్ల సర్దుబాటు ఆలస్యం అవుతున్న మాట వాస్తవమేనని, అయితే అది అత్యవసరమైన విషయమేమీ కాదని సీపీఎం రాష్ట్ర కార్యదర్శి బివి రాఘవులు అన్నారు. హైదరాబాద్‌లో మంగళవారం సీపీఎం రాష్ట్ర కార్యదర్శి వర్గ సమావేశాలు జరిగాయి. ఈ సందర్భంగా రాఘవులు మీడియా ప్రతినిధులతో మాట్లాడారు.

సీట్ల సర్దుబాటు అత్యవసరం కాదని, అయితే నోటిఫికేషన్‌ విడుదలయ్యేలోపు అన్నీ పూర్తిచేసుకుంటే మంచిదని అన్నారు. రాష్ట్రంలో రాజకీయ పరిస్థితి, రాజకీయప్రచారం అదితర అంశాలపై కార్యదర్శి వర్గ సమావేశంలో సమావేశంలో చర్చించారు. మహాకూటమిలో సీట్ల సర్దుబాటులో జరుగుతున్న జాప్యంపై సిపిఐ కార్యదర్శి కె.నారాయణ ఇటీవల అసంతృప్తి వ్యక్తం చేశారు. ఈ అసంతృప్తిని దృష్టిలో ఉంచుకుని రాఘవులు మాట్లాడారు.