మాజీ నక్సల్స్ కి పవన్ వల

హైదరాబాద్‌: ప్రజారాజ్యం పార్టీ అధికారంలోకి వస్తే మాజీ నక్సలైట్లపై ఉన్న కేసులను ఎత్తివేస్తామని యువరాజ్యం అధ్యక్షుడు పవన్‌ కల్యాణ్‌ అన్నారు. ఎల్బీనగర్‌లో జరిగిన ఈ రోజు జరిగిన మాజీ నక్సలైట్ల సదస్సులో ఆయన పాల్గొన్నారు. మాజీ నక్సల్‌‌స పిల్లలకు ప్రత్యేక అండ కల్పిస్తామని పవన్‌ ఈ సందర్భంగా హామీ ఇచ్చారు. నక్సల్స్ ను ఆకట్టుకునేందుకు వారిపైకేసులు ఎత్తివేస్తామని చెప్పడం లేదని ఆయన చెప్పారు. సమాజంలో అరాచకాలుచూసి తాను విప్లవ పార్టీల పట్ల ఆకర్షితుడయ్యానన్నారు.

ఈ సాయంత్రం పీఆర్పీ అధినేత చిరంజీవి సమక్షంలో దాదాపు మూడు వేల మంది మాజీ నక్సల్‌‌స పార్టీ సభ్యత్వం తీసుకోనున్నారు. కోస్తా, రాయలసీమ, తెలంగాణకు చెందిన మాజీ నక్సల్‌ ఈ సమావేశంకు వస్తున్నట్లు సమాచారం. అయితే ఇంతకుముందే వీరికి చిరంజీవికి ఒప్పందం కుదుర్చుకున్నట్లు తెలుస్తుంది. అవసరమైతే ఎన్నికల్లో పోటీ చేయడానికి అవకాశం కల్పించాలని, దానికి తాము సిద్ధంగా ఉన్నట్లు తెలుస్తుంది. ఈ సందర్బంగా పవన్ కళ్యాణ్ నటించిన జల్సా సినిమాను, అందులోనీ మాజీ నక్సలైట్ పాత్రను చాలామంది గుర్తు చేసుకోవటం విశేషం.