నా అశ్లీల సీడీల పంపిణీ: రోజా

నెల్లూరు: మహిళారాజ్యం నాయకురాలు శోభారాణి తనను ఊరకుక్కగా విమర్శించడంపై తెలుగు మహిళ అధ్యక్షురాలు రోజా తీవ్రంగా స్పందించారు. చిరంజీవికి ధైర్యం ఉంటే చంద్రగిరిలో నాపై పోటీచేసి గెలవాలి. నా రాజకీయ శత్రువులు కూడా నా పనితీరును చూసి మెచ్చుకుని ఆశీర్వదిస్తున్నారు. దానిని చిరంజీవి భరించలేకపోతున్నారు. నాపై దుష్ప్రచారం చేయడానికి ఒక కమిటీనే నియమించారు.

నన్ను గాఫిక్స్ మాయాజాలం ద్వారా అశ్లీలంగా చూపిస్తూ కొన్ని క్యాసెట్లు ప్రత్యేకంగా తయారు చేయించి జిల్లాలకు పంపుతున్నారు. కొన్ని ఎంఎంఎస్‌లు కూడా తయారు చేయించి పంపినట్లు తెలుస్తోంది. వాటికి ఎలా సమాధానం చెప్పాలో నాకు బాగా తెలుసు. ప్రజారాజ్యం పార్టీ అంటే పనికి రాని పార్టీ. దానికి సిద్ధాంతాలు లేవు. మొన్న చంద్రబాబును, నిన్న వైఎస్‌ను పొగిడి భుజాన వేసుకొని పనులు చేయించుకున్న చిరంజీవి... ఇప్పుడు వాళ్లిద్దరినీ విమర్శిస్తున్నారు. దిగజారుడు రాజకీయాలకు ఆయన నిదర్శనంగా నిలిచారు.