కాంగ్రెస్ కు త్రిష గ్లామర్

హైదరాబాద్: ప్రముఖ సినీ నటి త్రిష కాంగ్రెస్ ప్రచారంలో పాల్గొననుంది. ఈ మేరకు ఆమెతో పార్టీ అవగాహనా ఒప్పందం కుదుర్చుకున్నట్లు తెలుస్తోంది. అయితే త్రిష ఏయే ప్రాంతాల్లో ప్రచారంలో పాల్గోవాలి, ఏయే అంశాలు మాట్లాడాలి అన్న విషయాలు నిర్ణయం కావాల్సి ఉంది. వీటిపై కొందరు సీనియర్ కాంగ్రెస్ నాయకలు కసరత్తు చేస్తున్నట్లు తెలుస్తోంది. ఇక హాట్ హారోయిన్ గా త్రిష వరస విజయాలు కాంగ్రెస్ వారిని ఆకర్షించాయని, అలాగే ఆమెకు గతంలో కొందరు కాంగ్రెస్ నాయకులతో సన్నిహిత పరిచయాలు ఉండటం ఈ ప్రచార వ్యూహానికి దారి తీసింది.

చిరంజీవి, బాలకృష్ణ, పవన్ కళ్యాణ్ వంటి స్టార్స్ తో హేమాహేమీగా జరుగుతున్న ఈ పోరులో ఇటువంటి మరికొంతమంది ఆకర్షణ గల హీరోయిన్ల ప్రచారం తప్పనిసరి అని పార్టీ వర్గాలు భావిస్తున్నాయి. అంతేగాక ఆమెతో పాటు మరికొంతమంది హీరోయిన్లు,హాస్యనటులను బరిలోకి దింపే ప్రయత్నాలు జరుగుతున్నాయని సమాచారం. ఇక ఎలాగో నాగార్జున కాంగ్రెస్ తరుపున ప్రచారానికి నడుం బిగించటానికి రెడీ అవుతున్నారు. ఇందునిమిత్తం ఆయన ముఖ్యమంత్రిని నిన్న(గురువారం) కలిసారు. ఆయన నేరుగా ప్రచారం చేయకున్నా ఆయన అభిమాన సంఘాలు కాంగ్రెస్ తరుపున పనిచేసేటట్లు మాట తీసుకున్నారని సమాచారం. ఇదే అంశం పై వైయస్ తో చర్చ జరిగినట్లు తెలుస్తోంది.