చిరు, వైఎస్ మ్యాచ్ ఫిక్సింగ్: రోజా

తిరుపతి: తెలుగుమహిళ అధ్యక్షురాలు రోజా మరో మారు ప్రజారాజ్యం పార్టీపై విరుచుకు పడ్డారు. కాంగ్రెస్‌ పార్టీతో ప్రజారాజ్యం మ్యాచ్‌ ఫిక్సింగ్‌ చేసుకుందని తెలుగు మహిళ అధ్యక్షురాలు రోజా ఆరోపించారు. అందుకే రాజమండ్రిలో పీఆర్పీ నిర్వహించిన సామాజిక న్యాయ శంఖారావం సభకు కాంగ్రెస్‌ నేతలే జనాలను తరలించారని రోజా అన్నారు. పీఆర్పీ, కాంగ్రెస్‌లు ఎన్ని చెప్పినా ప్రజలు నమ్మరని సామాజిక న్యాయం నినాదం టీడీపీదే అని ఆమె అన్నారు.

చిరంజీవి పార్టీ మీద, ఆయన కుటుంబసభ్యుల మీద విమర్శలను గుప్పించడానికి తెలుగుదేశం అధినాయకుడు రోజాను ప్రయోగిస్తున్నారన్న విమర్శలు ఉన్నాయి. చిరంజీవి పిసినారితనం మీద, పవన్ కల్యాణ్ మొదటి భార్యను వదిలేసి రేణూ దేశాయ్ తో ఉంటున్నారని ఆమె గతంలో విమర్శించారు. అటువంటి విమర్శలకు తావులేకుండా పవన్ రేణు దేశాయ్ ని ఇటీవల అధికారికంగా పెళ్ళి చేసుకోవడం తెలిసిందే.