ఈ జూ.ఎన్టీఆర్ డ్రైవర్ రాముడు కూడా...

శ్రీకాకుళం: తాత ఎన్టీఆర్ కంటే తాను నాలుగు ఆకులు ఎక్కువే చదువుకున్నానని జూనియర్ ఎన్టీఅర్ చాటుకున్నారు. తాత ఎన్టీఆర్‌ను తలపించేలా ఖాకీ డ్రస్‌ వేసుకుని చైతన్యరథం తయారుచేసుకుని రంగంలోకి దిగిన జూనియర్‌ ఎన్టీఆర్‌ ఒక విషయంలో మాత్రం ఆయనను దాటి ముందుకు వెళ్ళారు. ఆనాడు ఎన్టీఆర్‌ రథాన్ని ఆయన కుమారుడు హరికృష్ణ నడిపితే ఈనాడు తన చైతన్యరథానికి తానే సారథిగా జూనియర్‌ ఎన్టీఆర్‌ సుడిగాలి పర్యటన చేస్తున్నారు.

చైతన్యరథం వెళుతున్న దారుల్లో జనం అంతా డ్రైవర్‌ సీటులో స్వయంగా ఎన్టీఆర్‌ ఉండటం చూసి ఆశ్చర్యచకితులు అవుతున్నారు. ఆయనను ఎక్కడ చూస్తే అక్కడ కరచాలనం కోసం రథంపై ఎగబడుతుంటే భద్రతాసిబ్బంది అతి కష్టంమీద వారిని అదుపుచేస్తున్నారు. తానే స్వయంగా నడపటం వల్ల అదనపు ఒత్తిడి పడుతున్నా లెక్కజేయకుండా ఎన్టీఆర్‌ ప్రజారథం పరుగులు తీస్తోంది.