కాంగ్రెస్ నోట ఎన్టీఆర్ అమ్మ మాట

హైదరాబాద్: సమాజం గురించి, అక్రమాల గురించి పెద్ద మాటలు మాట్లాడుతున్న జూనియర్ ఎన్టీఆర్ కు రాష్ట్ర మంత్రి షబ్బీర్ అలీ ఒక విచిత్రమైన సవాలు విసిరారు. ముందు జూనియర్ ఎన్టీఆర్ తల్లి షాలినికి సామాజిక హోదా, నందమూరి కుటుంబంలో స్ధానం ఉండేలా చూడాలని ఆయన అన్నారు. నందమూరి హరికృష్ణకు, కన్నడ బ్రాహ్మణ వనిత అయిన షాలినికి జూనియర్ ఎన్టీఆర్ పుట్టిన విషయం తెలిసిందే. హరికృష్ణ శాలినిని, జూనియర్ ను తన ఉమ్మడి కుటుంబానికి దూరంగా ఉంచి నెలకు ఇంత అని పోషణ ఖర్చులు ఇచ్చుకుంటూ వచ్చారు. జూనియర్ ఎన్టీఆర్ హీరో అయ్యాక వాళ్ళకు హరికృష్ణ భరణం అవసరం లేకుండా పోయింది.

ఆ సమయంలో జూనియర్ తన తండ్రిని నిలదీసి, నందమూరి కుటుంబంలో తమకూ సముచిత గౌరవం ఉండేలా చూడమని కోరినట్టు తెలుస్తోంది. అందుకు హరి మెత్తబడినా ఆయన మొదటి భార్య కుమారులు, కొందరు ఎన్టీఆర్ కుమార్తెలు అభ్యంతరం చెప్పినట్టు తెలిసింది. అయితే వాడుకుని వదిలేసే అలవాటున్న చంద్రబాబు నాయుడు జూనియర్ కు మెగా వల వేశారు. ఆ ప్రయోగం విజయవంతం కావడంతో కాంగ్రెస్ నాయకులు ఇప్పుడు కంగారు పడుతున్నారు.