వరణ్ గాంధీపై ఇసి వేటు

న్యూఢిల్లీ: ఒక వర్గం ప్రజలని రెచ్చగొట్టేలా ప్రసంగించారని నమ్ముతూ ఎన్నికల కమిషన్ ఉత్తరప్రదేశ్ లోని ఫిలిభిత్ బిజెపి అభ్యర్థి వరుణ్ గాంధీపై ఎన్నికల కమిషన్ అనర్హత వేటు వేసింది. ఒక వర్గం ప్రజలను రెచ్చగొట్టేలా మాట్లాడి వరుణ్ గాంధీ ఎన్నికల ప్రవర్తనా నియమావళిని ఉల్లంఘించారని ఇసి అభిప్రాయపడింది. వచ్చే ఎన్నికల్లో వరుణ్ గాంధీని పోటీకి దించవద్దని ఇసి భారతీయ జనతా పార్టీ (బిజెపి)ని ఆదేశించింది.

సిడిలోని మాటలు వరుణ్ వేనని ఇసి తెలియజేసింది. వరణ్ చేసిన రెండు ప్రసంగాలు రెచ్చగొట్టే విధంగా ఉన్నాయని, ఆ విధంగా మాట్లాడటం ఆమోద యోగ్యం కాదని ఇసి తెలియజేసింది. తన వ్యాఖ్యల ద్వారా వరుణ్ ఒక వర్గంవారి మనోభావాలను దెబ్బ తీశారని అభిప్రాయపడింది. వరుణ్ కు బిజెపి గానీ, ఇతర పార్టీలు గానీ టికెట్ ఇస్తే వివిధ వర్గాల మధ్య హింస చెలరేగే అవకాశం ఉందని, దీనివల్ల భారత సార్వభౌమత్వానికి విఘాతం కలగవచ్చునని ఇసి అన్నది.