8 ఏళ్లు బిడ్డను రేప్ చేసిన బిజెపి నేత

అమృతసర్: ఎనిమిదేళ్ల పాటు కూతురిని రేప్ చేసిన భారతీయ జనతా పార్టీ (బిజెపి) నాయకుడిని పోలీసులు బుధవారం అరెస్టు చేశారు. ఎనిమిదేళ్ల పాటు తన తండ్రి తనపై లైంగిక దోపిడీకి పాల్పడ్డాడని 20 ఏళ్ల యువతి ఫిర్యాదు చేసింది. పంజాబ్ లోని అకాలీదళ్ సంకీర్ణ ప్రభుత్వం బిజెపి భాగస్వామి. అమృతసర్ కు 30 కిలోమీటర్ల దూరంలో ఉన్న ఒక పట్టణంలో బిజెపి అజ్నాలా శాఖ ప్రధాన కార్యదర్శి అశోక్ తనేజాను పోలీసులు అతని కూతురు, కళాశాల విద్యార్థిని ఇచ్చిన ఫిర్యాదు మేరకు అరెస్టు చేశారు.

తనేజాను అదుపులోకి తీసుకుని ప్రశ్నిస్తున్నట్లు అమృతసర్ (రూరల్) పోలీసు సూపరింటిండెంట్ సత్పాల్ జోషీ చెప్పారు. అతనిపై అత్యాచారం కింద అతనిపై కేసు నమోదు చేసినట్లు ఆయన తెలిపారు. తన విషయం ఎవరికైనా చెప్తే చంపేస్తానని తండ్రి బెదిరించాడని ఆ యువతి తన ఫిర్యాదులో తెలిపింది. తాము దర్యాప్తు చేస్తున్నామని పోలీసులు చెప్పారు. కుటుంబ సభ్యులకు, ముఖ్యంగా యువతి తల్లికి ఈ విషయం తెలుసునా, లేదా అనే విషయాన్ని పరిశోధిస్తున్నామని ఆయన చెప్పారు.