ఎన్టీఆర్ కు సమస్యలుండవు: డాక్టర్లు

హైదరాబాద్: రోడ్డు ప్రమాదంలో గాయపడిన జూనియర్ ఎన్టీఆర్ కు భవిష్యత్తులో ఏ విధమైన సమస్యలు ఉండవని కిమ్స్ సిఇవో భాస్కరరావు చెప్పారు. జూనియర్ ఎన్టీఆర్ వృత్తికి ఏ విధమైన ఆటంకం ఉండదని ఆయన స్పష్టం చేశారు. మరో మూడు రోజుల పాటు ఆస్పత్రిలో ఎన్టీఆర్ ఉంటారని ఆయన చెప్పారు. రెండు రోజుల్లో గాయాలు పూర్తిగా నయమవుతాయని ఆయన అన్నారు. మరో వారం రోజుల్లో జూనియర్ ఎన్టీఆర్ కోలుకుంటారని ఆయన చెప్పారు.

ఆదివారంనాడు తనను పరామర్శించడానికి వచ్చిన వారందరితో జూనియర్ ఎన్టీఆర్ మాట్లాడినట్లు ఆయన తెలిపారు. ఉదయం అల్పాహారం తీసుకున్నారని, మధ్యాహ్నం భోజనం కూడా చేశారని ఆయన చెప్పారు. ఆదివారం ఉదయం బాలకృష్ణ జూనియర్ ఎన్టీఆర్ ను పరామర్శించారు. ఆయనతో పాటు దాసరి నారాయణరావు వంటి సినీ ప్రముఖులు కూడా పరామర్శించారు.