బాలకృష్ణ పై చెప్పులు

పులివెందుల: టీడీపీ నేత, సినీనటుడు బాలకృష్ణ వాహనంపై గుర్తు తెలియన వ్యక్తులు చెప్పులు విసిరారు. చెప్పులు బాలకృష్ణకు తగలలేదు. అయితే ఈ చెప్పుల దాడి కారణంగా కొంతసేపు ఉద్రిక్త పరిస్థితి నెలకొన్నది. ముఖ్యమంత్రి వైఎస్‌ రాజశేఖరరెడ్డి సొంత నియోజకవర్గం అయిన పులివెందులలో జరిగిన ఈ దాడి వెనుక ఆయన అనుచరుల హస్తం ఉన్నట్లుగా తెలుగుదేశం నాయకులు ఆరోపించారు. టీడీపీ నేత సతీష్‌ విజ్ఞప్తి మేరకు పులివెందులలో రోడ్‌షో నిర్విహంచేందుకు బాలకృష్ణ ప్రత్యేక విమానంలో పులివెందల చేరుకున్నారు.

అయితే బాలకృష్ణకు ఇచ్చిన సమయం ముగిసిందని పోలీసులు చెప్పిన వారి మాట వినకుండా ఆయన రోడ్‌ షో కొనసాగించారు. ఈ సమయంలో జనం మధ్య నుంచి కొందరు గుర్తు తెలియని వ్యక్తులు 7-8 చెప్పులు విసిరారు. దీంతో అక్కడ పరిస్థితి ఉద్రిక్తంగా మారింది. దీంతో తెలుగుదేశం కార్యక్తలు ఆగ్రహోదగ్రులయ్యారు. పరిస్థితి ఉద్రిక్తంగా మారడంతో పోలీసులు రంగప్రవేశం చేశారు. దీంతో బాలకృష్ణ కాన్వాయ్ ముందుకు సాగిపోయింది. నిన్న కడప జిల్లాలో రోడ్ షో నిర్వహిస్తోన్న జగన్ పై గుర్తు తెలియని వ్యక్తి పూలదండలో వుంచి చెప్పును విసిరిన సంగతి తెలిసిందే.