జూ.ఎన్టీఆర్ కు చిరు పరామర్శ

హైదరాబాద్‌: రోడ్డు ప్రమాదానికి గురై కిమ్స్ లో చికిత్స పొందుతున్న ప్రముఖ సినీ నటుడు జూనియర్ ఎన్టీఆర్ ను ప్రజారాజ్యం అధినేత చిరంజీవి పరామర్శించారు. ఆయన తమ పార్టీ నాయకుడు డాక్టర్ మిత్రాతో కలిసి మంగళవారం ఉదయం కిమ్స్ అస్పత్రికి వచ్చారు. చిరంజీవి వెంట ఆయన బావ మరిది అల్లు అరవింద్, ప్రముఖ సినీ దర్శకుడు వివి వినాయక్ కూడా ఉన్నారు.

జూనియర్ ఎన్టీఆర్ వేగంగా కోలుకుంటున్నారని వైద్యులు చెప్పారు. జూనియర్ ఎన్టీఆర్ త్వరగా కోలుకోవాలని ఇంతకు ముందు చిరంజీవి అన్నారు. రాష్ట్ర పర్యటనలో ఉన్న చిరంజీవి అప్పట్లో జూనియర్ ఎన్టీఆర్ తల్లి శాలినితో ఫోనులో మాట్లాడారు. జూనియర్ ఎన్టీఆర్ త్వరగా కోలుకోవాలని ఆయన ఆశించారు.