వాయలార్‌ రవితో డీఎస్‌ భేటీ

హైదరాబాద్‌: రాష్ట్ర కాంగ్రెస్‌ వ్యవహారాల తాత్కాలిక ఇన్‌ఛార్జి వాయలార్‌ రవిని మంగళవారం ఉదయం ప్రదేశ్ కాంగ్రెస్ కమిటీ (పిసిసి) అధ్యక్షుడు డి.శ్రీనివాస్‌ కలుసుకున్నారు. హైదరాబాద్‌లోని ఓ హోటల్‌లో బస చేసిన ఆయనను కలిసి రాష్ట్ర రాజకీయాలపై చర్చించారు. వివిధ జిల్లాల్లో పార్టీ పరిస్థితి, నిజామాబాదులో తన వ్యాఖ్యలపై రేగిన వివాదంపై, సోనియాగాంధీ తదితర విషయాలపై చర్చించినట్లు తెలుస్తోంది.

ముస్లింలపై చేయి ఎత్తితే తాము హిందువులపై చేయి ఎత్తుతామని డి. శ్రీనివాస్ నిజామాబాదులోని ఒక సభలో వ్యాఖ్యానించారు. ఈ వ్యాఖ్యపై తీవ్ర వివాదం చెలరేగింది. డిఎస్ పై బిజెపి, విహెచ్ పి తీవ్ర ఆరోపణలు చేశాయి. డిఎస్ వ్యాఖ్యలను ఎన్నికల సంఘం కూడా పరిశీలిస్తోంది. వరుణ్ గాంధీ వ్యాఖ్యలపై చెలరేగుతున్న వివాదం నేపథ్యంలో తన వ్యాఖ్యలకు డిఎస్ ప్రమాదంలో పడే అవకాశం ఉందని భావిస్తున్నారు.