టర్కీలో ఒబామా హత్యకు కుట్ర

వాషింగ్టన్‌: అమెరికా అధ్యక్షుడు బరాక్ ఒబామా హత్యకు కుట్ర జరిగినట్లు వాషింగ్టన్ సీక్రెట్ సర్వీస్ వర్గాలు వెల్లడించాయి. టర్కీ పర్యటన సందర్భంగా ఈ ఒబామా హత్యకు కుట్ర జరిగినట్లు ఆ వర్గాలు చెప్పాయి. ఇందుకు సంబంధించి టర్కీ నేషనల్ పోలీసులు ఒక సిరియా వాసిని అరెస్టు చేసినట్లు వెల్లడించాయి. ఈ వ్యక్తిని గత శుక్రవారం అరెస్టు చేశారు.

ఒబామాకు తక్షణ ముప్పేమీ లేదని సీక్రెట్ సర్వీస్ అధికార ప్రతినిధి డోనోవాన్ చెప్పారు. ఒబామాను హత్య చేయడానికి కుట్ర చేశాడనే ఆరోపణపై అరెస్టు చేసిన అనుమానితుడి వివరాలను సీక్రెట్ సర్వీస్ వెల్లడించడం లేదు. ఈ కేసుపై సీక్రెట్ సర్వీస్ వర్గాలు టర్కీ పోలీసులను ఎప్పటికప్పుడు సంప్రదిస్తున్నారు.