కాంగ్రెస్ మేడిపండు: చంద్రబాబు

ఆదిలాబాద్: కాంగ్రెసు పార్టీ మేడిపండు లాంటిదని, లోపలంతా పురుగులే ఉంటాయని తెలుగుదేశం పార్టీ అధ్యక్షుడు నారా చంద్రబాబునాయుడు అన్నారు. ఆదిలాబాద్ జిల్లాలో ఆయన శుక్రవారం ఎన్నికల ప్రచార సభల్లో పాల్గొన్నారు. కాంగ్రెసు పార్టీపై ఆయన తీవ్ర విమర్శలు చేశారు. రాష్ట్రాన్ని కాంగ్రెసు నాయకులు దోచుకు తింటున్నారని ఆయన అన్నారు. కేంద్రంలో కూడా మహా కూటమే అధికారంలోకి వస్తుందని ఆయన ధీమా వ్యక్తం చేశారు. మహాకూటమి అధికారంలోకి వచ్చిన వెంటనే స్విస్ బ్యాంకుల్లోని కాంగ్రెసు నాయకులు డబ్బులు తెచ్చి పేదలకు పంచుతామని ఆయన అన్నారు.

తాము ఎన్నికల ప్రణాళికలో ఇచ్చిన హామీలను అన్నింటినీ అమలు చేస్తామని ఆయన చెప్పారు. బదిలీ నగదు పథకం గురించి ఆయన ప్రత్యేకంగా వివరించారు. రైతుల రుణాలు మాఫీ చేస్తామని ఆయన చెప్పారు. తెలుగుదేశం, తెరాస అభ్యర్థులను గెలిపించాలని ఆయన ప్రజలకు విజ్ఞప్తి చేశారు.