పరకాల ప్రభాకర్‌ క్రిమినల్‌: జోగయ్య

పాలకొల్లు: పరకాల ప్రభాకర్‌ ఒక క్రిమినల్‌ అని పీఆర్‌పీ రాష్ట్ర ఎన్నికల కమిటీ చైర్మన్‌ చేగొండి వెంకట హరిరామ జోగయ్య అన్నారు. పశ్చిమగోదావరి జిల్లా పాలకొల్లులోని ఆయన నివాసంలో విలేఖర్లతో మాట్లాడారు. ప్రభాకర్‌ని తానే పార్టీలోకి తీసుకువచ్చి పార్టీ రాష్ట్ర అధికార ప్రతినిధి హోదా కల్పిస్తే అతడికి టిక్కెట్టు ఇవ్వలేదని పార్టీ అధినేత చిరంజీవిపై విమర్శలకు దిగడం దారుణమని జోగయ్య మండిపడ్డారు.

1995-96 ప్రాంతంలో జరిగిన ఒక సంఘటనలో ప్రభాకర్‌ క్రిమినల్‌ అని జోగయ్య తెలిపారు. నేర చరిత్ర కలిగిన ప్రభాకర్‌ని చిరంజీవి వద్దకు తీసుకువెళ్ళి తప్పుపని చేశానని జోగయ్య అన్నారు. దీనిపై పరకాల ఒక టీవీ చానల్ లో స్పందించారు. "హరిరామ జోగయ్య నన్ను పార్టీలోకి తీసుకొచ్చాడా? ఎవరాయన? బుద్ధి ఉండాలి" అని పరకాల విరుచుకుపడ్డారు.