కాంగ్రెస్ కాలువల్లో అవినీతి: బాలకృష్ణ

హైదరాబాద్: కాంగ్రెస్ కాలువల్లో అవినీతి పారుతోందని సినీ నటుడు, తెలుగుదేశం పార్టీ నాయకుడు నందమూరి బాలకృష్ణ ఆరోపించారు. అవినీతి కాంగ్రెసు కావాలో, ప్రజలకు కూడా పెట్టే తెలుగుదేశం పార్టీ కావాలో ప్రజలు తేల్చుకోవాలని ఆయన అన్నారు. సోమవారంనాడు రంగారెడ్డి జిల్లాలోని మహేశ్వరం, తుక్కుగుడా తదితర ప్రాంతాల్లో ఆయన ప్రచారం సాగించారు. కాంగ్రెస్ పార్టీ అవినీతిలో కూరుకుపోయిందని ఆయన విమర్శించారు.

తెలుగుదేశం పార్టీ ఎన్నికల ప్రణాళికలో చేసిన వాగ్దానాలను ఆయన ప్రజలకు వివరించారు. కాంగ్రెస్ పార్టీని ఓడించాలని ఆయన ప్రజలకు పిలుపునిచ్చారు. పేదవానికి తెలుగుదేశం పార్ట మేలు చేస్తుందని ఆయన చెప్పారు. మహేశ్వరం తెలుగుదేశం పార్ట అభ్యర్థి తీగల కృష్ణారెడ్డి మేయరుగా హైదరాబాదు అభివృద్ధికి ఎంతో కృషి చేశారని ఆయన చెప్పారు. తుక్కుగుడాలో బాలకృష్ణ రోడ్ షోకు ప్రజలనుంచి స్పందన కరువైంది.