నేడు మీడియా ముందుకు ఎన్టీఆర్

హైదరాబాద్‌: జూనియర్‌ ఎన్టీఆర్‌ సోమవారం మీడియా ఎదుటకు రానున్నారు. ఆయన టీవీల ద్వారా ప్రసంగించనున్నారు. గత నెల నల్గొండ జిల్లాలో రోడ్డు ప్రమాదంలో గాయపడి ఆయన ప్రచారానికి దూరమయ్యారు. ఆనంతరం ఆయన కిమ్స్ లో చికిత్స పొంది డిశ్చార్జీ అయ్యారు. ఇప్పుడు ఇంటిలో విశ్రాంతి తీసుకుంటున్నారు.

17 రోజుల విరామం తర్వాత తన సందేశాన్ని టీవీల ద్వారా ప్రజలకు వినిపిస్తారు. సాయంత్రం 7 గంటలకు ఆయన నివాసంలో మీడియాతో మాట్లాడతారు. ఏడు జిల్లాల్లో 15 రోజుల పాటు మాత్రమే పర్యటించిన ఎన్టీఆర్‌ తన ప్రసంగాలతో ప్రజలను విశేషంగా ఆకట్టుకున్నారు. కాంగ్రెస్ వైఫల్యాలపై, అవినీతిపై ఆయన తన ప్రచారంలో దుయ్యబట్టారు. తెలుగుదేశం హామీలను ప్రజలకు వివరించారు.