చిరు పార్టీకి రైలింజన్ ఓకె: సుప్రీం

న్యూఢిల్లీ: చిరంజీవి నాయకత్వంలోని ప్రజారాజ్యం పార్టీకి ఎన్నికల సంఘం రైలింజన్‌ గుర్తును కేటాయించటాన్ని సుప్రీంకోర్టు సమర్థించింది. రైలింజన్‌ గుర్తు ప్రజారాజ్యం పార్టీకి కేటాయించటం సబబేనని తీర్పు ఇచ్చింది. ఈ గుర్తుపై పోటీకి ప్రజారాజ్యం పార్టీకి ఎలాంటి అభ్యంతరాలు ఉండవని స్పష్టం చేసింది. రైలింజన్‌ గుర్తును పీఆర్పీకి కేటాయించటాన్ని సవాలు చేసి తమకే కేటాయించాలని రాష్ట్రీయ క్రాంతికారి సమాజ్‌వాదీ పార్టీ సుప్రీంకోర్టులో కేసు వేసింది.దీనిపై విచారణ జరిపిన సుప్రీంకోర్టు ప్రజారాజ్యం పార్టీకి గుర్తు కేటాయింపు సబబేనని తెలిపింది.

తాము రైలింజన్ గుర్తుపై గతంలో పోటీ చేశామని, తాము దేశవ్యాప్తంగా ఆ గుర్తుతో అభ్యర్థులను గతంలో నిలిపామని రాష్ట్రీయ క్రాంతికార్ పార్టీ వాదిస్తూ ఆ గుర్తును ప్రజారాజ్యం పార్టీకి కేటాయించడాన్ని సుప్రీంకోర్టులో సవాల్ చేసింది.