చంద్రబాబు మోసగాడు: వైయస్

రాజమండ్రి: ఎన్నికలకు ముందు హామీలు ఇచ్చి తెలుగుదేశం పార్టీ అధ్యక్షుడు నారా చంద్రబాబు నాయుడు అధికారంలోకి వస్తే వాటిని రద్దు చేస్తారని ముఖ్యమంత్రి డాక్టర్ వైయస్ రాజశేఖర రెడ్డి వ్యాఖ్యానించారు. తూర్పు గోదావరి జిల్లాలో ఆయన సోమవారం కాంగ్రెసు పార్టీ విజయం కోసం ప్రచారం చేశారు. సినిమా హీరోల కన్నా తమ పార్టీ అభ్యర్థులే నిజమైన హీరోలని ఆయన అన్నారు. తాము అధికారంలోకి వస్తే ఇప్పుడు అమలు చేస్తున్న పథకాలను మరింత బాగా తిరిగి అమలు చేస్తామని ఆయన ప్రజలకు హామీ ఇచ్చారు.

ఎన్నికలను మహా కూటమి వంచనకు, కాంగ్రెసు విశ్వసనీయతకు మధ్య జరుగుతున్న పోరుగా ఆయన అభివర్ణించారు. ఎన్నికల్లో తమ పార్టీ విజయం ఖాయమని ఆయన ధీమా వ్యక్తం చేశారు. తూర్పు గోదావరి జిల్లా పర్యటనను ముగించుకుని ఆయన పశ్సిమ గోదావరి జిల్లాకు బయలుదేరారు.