దర్శకుడు మణిరత్నంకు గుండెపోటు

చెన్నై‌: ప్రముఖ దర్శకుడు మణిరత్నం బుధవారం గుండెపోటుతో అస్వస్థతకు గురయ్యారు. ఆయనను వెంటనే చెన్నైలోని అపోలో ఆస్పత్రికి తరలించారు. ఆయనకు ప్రాణాపాయం లేదని వైద్యులు చెప్పారు. ఆయనకు బుధవారం ఉదయం అకస్మాత్తుగా గుండెపోటు వచ్చింది.

భార్య సుహాసిని, ఇతర బంధువులు ఆయన వెంట ఉన్నారు. గతంలో కూడా ఒక్కసారి మణిరత్నంకు గుండెపోటు వచ్చింది. ఆయన తీసిన పలు సినిమాలు తెలుగు, తమిళం, హిందీ భాషల్లో ఘన విజయం సాధించాయి. రోజా, బొంబాయి వంటి సినిమాలు ఆయనకు ఎనలేని కీర్తిని తెచ్చిపెట్టాయి.