వైయస్ ముందే చెప్పాల్సింది: వెంకయ్య

నెల్లూరు: తెలంగాణపై ముఖ్యమంత్రి డాక్టర్ వైయస్ రాజశేఖర రెడ్డి నాలుగు రోజలు ముందు ఆ మాటలు ఎందుకు చెప్పలేదని భారతీయ జనతా పార్టీ (బిజెపి) సీనియర్ నేత ఎం.వెంకయ్యనాయుడు ప్రశ్నించారు. తెలంగాణాపై అంత స్పష్టంగా అభిప్రాయాలు చెప్పిన ముఖ్యమంత్రి ఈ విషయాన్ని ఓ నాలుగురోజుల ముందు ఎందుకు చెప్పలేదని ఆయన శుక్రవారం మీడియా ప్రతినిధుల సమావేశంలో ప్రశ్నించారు.

తెలంగాణాలో ఎన్నికలు పూర్తయ్యేంతవరకు ఆగటమే రాజశేఖర రెడ్డి అవకాశవాద రాజకీయాలకు నిదర్శనమని ఆయన అన్నారు. పులిచింతల, పోలవరం ప్రాజెక్టులకు తాము వ్యతిరేకం కాదన్నారు. రాష్ట్రంలో కాంగ్రెస్‌ గెలిచే అవకాశం లేదని ఆయన అన్నారు. రాష్ట్రంలో హంగ్ అసెంబ్లీ వస్తుందని ఆయన జోస్యం చెప్పారు. కాంగ్రెసుపై ఆయన తీవ్ర విమర్శలు చేశారు.