మా బలం తేలుతుంది: బంగారు

విజయవాడ: మలివిడత ఎన్నికల్లో తమ పార్టీ అనుకూల ఓటు పెరిగే అవకాశం ఉందని, ఈసారి రాష్ట్రంలో అత్యధిక స్థానాలకు తాము పోటీచేయటం వల్ల తమ బలం తెలుసుకోగలుగుతామని భారతీయ జనతా పార్టీ (బిజెపి) సీనియర్ బంగారు లక్ష్మణ్‌ అన్నారు. మంగళవారం మలివిడత ప్రచారం ముగింపు సందర్భంగా విజయవాడలో ఆయన తమ పార్టీ అభ్యర్థుల తరపున ప్రచారంలో పాల్గొన్నారు.

జాతీయ రాజకీయాల్లో ఈసారి ఎన్డీఏ కీలకపాత్ర పోషించి ప్రభుత్వాన్ని ఏర్పాటు చేస్తుందన్నారు. రాష్ట్రంలో కూడా తాము ఈసారి గణనీయంగా ఓట్లశాతాన్ని పెంచుకుంటామని, వచ్చే ఎన్నికల్లో తాము రాష్ట్రంలో బలమైన శక్తిగా ఎదుగుతామని లక్ష్మణ్‌ అన్నారు.