బాబు ఎంతకైనా దిగజారుతారు: వైఎస్

అనంతపురం: తెలుగుదేశం పార్టీ అధ్యక్షుడు నారా చంద్రబాబు నాయుడు ఎంతకైనా దిగజారుతారని ముఖ్యమంత్రి డాక్టర్ వైయస్ రాజశేఖర రెడ్డి వ్యాఖ్యానించారు. అనంతపురం జిల్లాలో కాంగ్రెస్ తరఫున ఎన్నికల ప్రచారం నిర్వహించడానికి వచ్చిన ఆయన మంగళవారం ఉదయం మీడియా ప్రతినిధుల సమావేశంలో మాట్లాడారు.చంద్రబాబు ఎన్నికల తర్వాత భారతీయ జనతా పార్టీ (బిజెపి)తో పొత్తు పెట్టుకోవడానికైనా వెనకాడబోరని ఆయన అన్నారు. కాంగ్రెసు అధికారంలోకి వస్తేనే రాష్ట్రానికి శాశ్వత ప్రయోజనం చేకూరుతుందని ఆయన అన్నారు.

హంద్రీ నీవా సుజల స్రవంతిని తాము పూర్తి చేస్తామని ఆయన చెప్పారు. పోతిరెడ్డి పాడు హెడ్ రెగ్యులేటర్ ప్రాజెక్టుకు శ్రీశైలం నుంచి నీరు పంపిణీ చేయాలని తలపెట్టామని, ఈ ప్రాంత ప్రయోజనాల కోసం ఈ ప్రాజెక్టును చేపట్టామి, దాన్ని వ్యతిరేకిస్తున్నారని ఆయన అన్నారు. తాము రాష్ట్ర సర్వతో ముఖాభివృద్ధిని కాంక్షిస్తున్నట్లు ఆయన తెలిపారు.