కొత్త పార్టీని నమ్మకండి: బాలకృష్ణ

చిత్తూరు: సామాజిక న్యాయం పేరిట పుట్టుకొచ్చిన కొత్త పార్టీ కల్లబొల్లి మాటలు నమ్మవద్దని ప్రముఖ సినీనటుడు నందమూరి బాలకృష్ణ ప్రజలకు పిలుపునిచ్చారు. మంగళవారం చిత్తూరు జిల్లా కుప్పంతోపాటు చిత్తూరు పట్టణంలో ఆయన రోడ్‌ షో నిర్వహించారు. ఈ సందర్భంగా ప్రజారాజ్యం పార్టీని, దాని అధినేత చిరంజీవిని ఉద్దేశించి పరోక్ష విమర్శలు చేశారు.

సామాజిక న్యాయం ఒక్క తెలుగుదేశం పార్టీతోనే సాధ్యమని స్ప ష్టం చేశారు. ప్రజలు ఆహ్వానిస్తే రాజకీయాల్లోకి వచ్చానంటున్నారు. ఇదేమైనా ఇంట్లో పండగా పబ్బమా బొట్టుపెట్టి పిలిస్తే రావడానికి? అంటూ ఎద్దేవా చేశారు. రైలుకు ఇంజన్‌ తప్ప పెట్టెలు లేవని గ్రహించాలన్నారు. చిత్తూరు కాంగ్రెస్‌ అభ్యర్థి సి.కె.బాబు నేరచరితుడని, ఇలాంటి నేరచరితులకు ఓట్లువేస్తే పరిణామాలు ఎలా ఉంటాయో ఆలోచించాలని కోరారు.