పోలింగ్ సరళిని పరిశీలించిన చిరు

తిరుపతి: ప్రజారాజ్యం పార్టీ అధ్యక్షుడు చిరంజీవి గురువారం ఉదయం తిరుపతి నియోజకవర్గంలోని పలు పోలింగ్‌ కేంద్రాలకు తిరిగి పోలింగ్‌ సరళిని పరిశీలించారు. ఓటర్లతో మాట్లాడారు. ఎమ్మార్‌ పల్లి బూత్‌ వద్దకు ఆయన, కాంగ్రెస్‌ అభ్యర్థి కరుణాకరరెడ్డి ఒకేసారి రావటంతో ఉద్రిక్తత నెలకొంది.

తిరుపతి శాసనసభా నియోజకవర్గం నుంచి చిరంజీవి పోటీ చేస్తున్న విషయం తెలిసిందే. తిరుపతిలో బుధవారంనాడు తీవ్ర ఉద్రిక్త పరిస్థితులు నెలకొన్నాయి. చిరంజీవిని ఇరకాటంలో పెట్టడానికి కాంగ్రెసు తీవ్ర ప్రయత్నాలు చేసింది. చిరంజీవి స్థానికేతరుడని, ప్రజలకు అందుబాటులో ఉండరని కాంగ్రెసు నాయకులు ప్రచారం చేశారు.