చిరుతో కరుణాకర్ ఢీ అంటే ఢీ

తిరుపతి: తిరుపతి కాంగ్రెస్ అభ్యర్థి భూమన కరుణాకర్ రెడ్డి, ప్రజారాజ్యం అభ్యర్థి చిరంజీవి తిరుపతి శాసనసభా నియోజకవర్గంలో పలు చోట్ల ఎదురు పడ్డారు. దీంతో ఉద్రిక్త వాతావరణం చోటు చేసుకుంది. చిరంజీవి, కరుణాకర్ రెడ్డి ఒకేసారి పోలింగ్ కేంద్రాల్లో ఓటింగ్ సరళిని పరిశీలించడం వల్ల ఈ పరిస్థితి ఏర్పడింది. చిరంజీవికి వ్యతిరేకంగా కాంగ్రెసు కార్యకర్తలు నినాదాలు చేశారు. చిరంజీవి పోలింగ్ కేంద్రాలను పరిశీలిస్తూ ఓటర్లను ప్రభావితం చేస్తున్నారని వారు ఆరోపించారు.

తిరుపతిలో చిరంజీవికి వ్యతిరేకంగా కాంగ్రెసు కార్యకర్తలు పలు విధాలుగా ప్రయత్నాలు చేస్తున్న విషయం తెలిసిందే. తిరుపతిలో చిరంజీవి ఓటింగ్ సరళిని పరిశీలించే సమయంలో గురువారం కాంగ్రెస్ కార్యకర్తలు వివాదం సృష్టించే ప్రయత్నం చేశారు. ప్రజారాజ్యం పార్టీ కార్యకర్తలు కూడా కాంగ్రెసుకు వ్యతిరేకంగా నినాదాలు చేశారు. చిరంజీవి పోలింగ్ కేంద్రాల పరిశీలనను తగ్గించడంతో పరిస్థితి అదుపులోకి వచ్చింది.