అమర్ నాకు చాలా క్లోజ్: జయప్రద

న్యూఢిల్లీ‌: తమ పార్టీ నేత అమర్ సింగ్ తనకు చాలా సన్నిహితుడని సమాజ్ వాదీ పార్టీ పార్లమెంటు సభ్యురాలు, తెలుగు సినీ నటి జయప్రద అన్నారు.ఆమె ఒక మీడియా ప్రతినిధికి ఇచ్చిన ఇంటర్వ్యూలో ఆ విధంగా అన్నారు. అమర్ సింగ్ తో మీకు ప్రత్యేక సంబందాలున్నట్లు ఆయన సోదరుడు అరవింద్ సింగ్, ఎస్పీ నేత ఆజం ఖాన్ వ్యాఖ్యానించడాన్ని ప్రస్తావిసంగా వారు అ విధంగా ఆలోచించడం తనకు సంతోషంగా ఉందని, అమర్ సింగ్ తనకు చాలా సన్నిహితుడని, తనకు అమర్ సింగ్ ఆశీస్సులున్నాయని, వారు దాని గురించి ఎందుకు చెడుగా ఆలోచిస్తున్నారో అర్థం కావడం లేదని, వస్తే వారిని కూడా తమ వెంట తీసికెళ్తామని ఆమె అన్నారు.

తన వల్ల పార్టీ చీలిపోయే పరిస్థితి వచ్చిందని ఆజం ఖాన్ చేసిన ఆరోపణను ఆమె ఖండించారు. తనకు తమ పార్టీ నేతలు ములాయం సింగ్, అమర్ సింగ్ ఆశీస్సులున్నాయని ఆమె చెప్పారు. తన విజయం కోసం రాంపూర్ లో పార్టీ వంద కోట్ల రూపాయలు పెట్టినట్లు ఆజం ఖాన్ చేసిన ఆరోపణను ప్రస్తావించగా తాను వేయి కోట్లు ఖర్చు చేసి ఉంటే సంతోషించేదాన్నని ఆమె అన్నారు. రాంపూర్ లో తాను గెలిచి తీరుతానని ఆమె ధీమా వ్యక్తం చేశారు. తన స్టార్ స్టేటస్ కూడా తన విజయానికి ఉపయోగపడిందని ఆమె అన్నారు. అయితే అది తన రాజకీయ జీవితం తొలినాళ్లలోనే ఉపయోగపడిందని, ఇప్పుడు తాను చేసిన సేవలకు గుర్తింపుగా తనకు ఓటేస్తారని ఆమె అన్నారు.