లంక సమస్య: కరుణ నిరశన

చెన్నై‌: టైగర్లపై శ్రీలంక ప్రభుత్వం వెంటనే కాల్పుల విరమణ ప్రకటించాలని డిమాండ్ చేస్తూ డిఎంకె నేత, తమిళనాడు ముఖ్యమంత్రి కరుణానిధి సోమవారం ఉదయం నిరవధిక నిరాహార దీక్ష ప్రారంభించారు. దీక్ష చేపట్టడానికి ముందు ఆయన సిఎన్ అన్నాదురై విగ్రహానికి పూలమాలతో శ్రద్ధాంజలి ఘటించారు. ఇది తమిళుల కోసం తన త్యాగమని కరుణానిధి అన్నారు. శ్రీలంక అధ్యక్షుడు రాజపక్షే ఘాతుకానికి మరో బాధితుడిగా మారేందుకు తాను సిద్ధంగా ఉన్నానని ఆయన వ్యాఖ్యానించారు.

వీల్ చైర్ కూర్చున్న కరుణానిధి పార్టీకి చెందిన ఇతరులెవరూ దీక్షకు కూర్చోవద్దని ఆదేశించారు. నిరాహార దీక్ష చేయాలనేది తన సొంత నిర్ణయమని, పార్టీకి చెందిన ఇతరులెవరూ ఇందులో పాల్గొనకూడదని ఆయన అన్నారు. కూతురు కనిమొజి, మనవడు కళానిధి మారన్ కరుణానిధి దీక్షకు కూర్చున్న స్థలానికి హుటాహుటిన బయలుదేరి వచ్చారు. ఈ సమయంలో నిరాహార దీక్ష చేపట్టడం ప్రమాదకరమని వైద్యులు కరుణానిధికి సూచించారు కూడా. అయినా వారి మాటలను లెక్క చేయకుండా ఆయన దీక్షకు కూర్చున్నారు.