మోడీకి సుప్రీంకోర్టు షాక్

న్యూఢిల్లీ: గుజరాత్ లోని గోద్రా అల్లర్లలో ఆ రాష్ట్ర ముఖ్యమంత్రి నరేంద్ర మోడీకి సుప్రీంకోర్టు సోమవారం షాక్ ఇచ్చింది. గోద్రా అల్లర్లలో మోడీ పాత్రపై విచారణ జరపాలని సుప్రీంకోర్టు ప్రత్యేక దర్యాప్తు బృందాన్ని (సిట్ ను) ఆదేశించింది. మూడు నెలల లోగా నివేదిక సమర్పించాలని కూడా సూచించింది. రాష్ట్రంలోని ఒక మంత్రి, ముగ్గురు శాసనసభ్యుల పాత్రపై కూడా విచారణ జరపాలని సుప్రీంకోర్టు ఆదేశించింది. కొందరు ఐఎఎస్, ఐపిఎస్ ల పాత్రపై కూడా విచారణకు ఆదేశించింది.

లోకసభ ఎన్నికల్లో ప్రధాన ప్రచార సారథిగా అవతరించిన మోడీకి సుప్రీంకోర్టు ఆదేశాలు షాకేనని భావిస్తున్నారు. అద్వానీ తర్వాత బిజెపి ప్రధాని అభ్యర్థిగా కూడా బిజెపి నాయకులు పలువురు అంటున్నారు. ఈ స్థితిలో మోడీని ఉప ప్రధాని పదవి వరించవచ్చుననే ప్రచారం కూడా ఊపందుకుంటోంది.