స్మోకింగ్ చిక్కుల్లో షారూఖ్

ముంబయి: ఇండియన్ ప్రీమియర్ లీగ్ (ఐపియల్) మ్యాచ్ సందర్భంగా బాలీవుడ్ నటుడు షారూఖ్ ఖాన్ పొగ తాగడం వివాదంగా మారింది. కోల్ కత్తా నైట్ రైడర్స్, కింగ్స్ ఎలెవన్ పంజాబ్ మ్యాచ్ సందర్భంగా షారూఖ్ ఖాన్ పొగ తాగుతున్న ఫుటేజ్ చూపించడంపై పొగారు నిర్మూలనా జాతీయ సంస్థ (నోట్) ఆగ్రహం వ్యక్తం చేసింది. సెలిబ్రిటీలు పొగ తాగుతున్న దృశ్యాలను చూపించవద్దని ప్రసారం చేయకూడదని నోట్ విజ్ఞప్తి చేసింది.

అయితే దక్షిణాఫ్రికాలో పొగ తాగడంపై నిషేధం లేదు. బహిరంగ ప్రదేశాల్లో పొగ తాగడాన్ని నిషేధింపజేసేందుకు నోట్ దక్షిణాఫ్రికా జాతీయ మండలితో కలిసి పని చేస్తోంది. పొగ తాగడాన్ని మానుకోవాలని నోట్ ప్రధాన కార్యదర్శి శేఖర్ సల్కార్ షారూఖ్ ఖాన్, ఇతర సెలిబ్రిటీలకు విజ్ఞప్తి చేశారు. పొగ తాగడం వల్ల చిక్కుల్లో పడడం షారూఖ్ ఖాన్ కు ఇదే తొలిసారి కాదు. హిందూస్థాన్ టైమ్స్ లీడర్ షిప్ సదస్సు సందర్భంగా పొగ తాగినందుకు షారూఖ్ ఖాన్ కు ఇదే సంస్థ లీగల్ నోటీస్ జారీ చేసింది.