సోనియాకు నో చెప్పిన ప్రియాంక

ముంబయి: తమ పార్టీ తరఫున పోటీ చేయాలని కాంగ్రెస్ అధ్యక్షురాలు సోనియా గాంధీ చేసిన విజ్ఞప్తిని బాలీవుడ్ నటి ప్రియాంక చోప్రా తిరస్కరించినట్లు సమాచారం. దాంతో కాంగ్రెస్ పార్టీ రామ్ నాయక్ పై సంజయ్ నిరుపమ్ ను కాంగ్రెస్ పార్టీ పోటీకి దించినట్లు తెలుస్తోంది. గోవిందా స్థానంలో ముంబై నార్త్ నియోజకవర్గం నుంచి ప్రియాంక చోప్రాను పోటీకి దించాలని కాంగ్రెస్ పార్టీ ఆలోచన చేసింది.

సోనియా గాంధీ గ్రీన్ సిగ్నల్ ఇచ్చినప్పటికీ ప్రియాంక చోప్రా పోటీకి తిరస్కరించినట్లు చెబుతున్నారు. అయితే భవిష్యత్తులో రాజకీయాల్లోకి ప్రవేశించడానికి మాత్రం ప్రియాంక చోప్రా విముఖంగా లేదని ఆమె సన్నిహితులు అంటున్నారు. ఈసారి ఆమె పోటీ చేయడం లేదు. ఏ పార్టీకి కూడా ప్రచారం చేయడం లేదు.