మోడీపై కోర్టు ధిక్కరణ పిటిషన్

న్యూఢిల్లీ: గుజరాత్ ముఖ్యమంత్రి నరేంద్ర మోడీపై కోర్టు ధిక్కరణ కింద పిటిషన్ దాఖలైంది. ఈ పిటిషన్ పై విచారణ చేపట్టాలని సుప్రీంకోర్టు శుక్రవారం నిర్ణయించింది. గోద్రా అనంతర అల్లర్లపై చేసిన వ్యాఖ్యలకు గాను నరేంద్ర మోడీపై కోర్టు ధిక్కరణ పిటిషన్ దాఖలైంది. ఈ పిటిషన్ పై వచ్చే వారం విచారణ చేపట్టాలని ప్రధాన న్యాయమూర్తి కెజి బాలకృష్ణన్ నేతృత్వంలోని సుప్రీంకోర్టు బెంచ్ నిర్ణయించింది.

నరేంద్ర మోడీకి వ్యతిరేకంగా న్యాయవాది ప్రశాంత్ భూషణ్ పిటిషన్ దాఖలు చేశారు. కాంగ్రెసు కుట్రలో భాగంగానే సుప్రీంకోర్టు తనపై దర్యాప్తు చేయాలని ఆదేశించిందని మోడీ వ్యాఖ్యానించారు. ఒక వాణిజ్య ప్రకటనను కూడా పిటిషనర్ కోర్టుకు తెలియజేశారు.