14 వరకు వరుణ్ కు పెరోల్

న్యూఢిల్లీ: భారతీయ జనతా పార్టీ (బిజెపి) ఫిలిభిత్ లోకసభ అభ్యర్థి వరుణ్ గాంధీ పెరోల్ ను సుప్రీంకోర్టు ఈ నెల 14వ తేదీ వరకు పొడిగించింది. అంతకు ముందు ఆయనకు కోర్టు ఈ నెల 16వ తేదీ వరకు తాత్కాలిక పెరోల్ మంజూరు చేసింది. ఏ వర్గానికి వ్యతిరేకంగా ప్రసంగించబోనని, రెచ్చగొట్టే ప్రసంగాలు చేయబోనని హామీ ఇచ్చిన తర్వాత సుప్రీంకోర్టు ఆ తాత్కాలిక పెరోల్ ను మంజూరు చేసింది.

ఫిలబిత్ నియోజకవర్గంలో గత నెల ఒక వర్గానికి వ్యతిరేకంగా ప్రసంగించారనే ఆరోపణలపై వరుణ్ గాంధీని నాసా కింద అరెస్టు చేశారు. ఫిలిభిత్ నుంచి పోటీ చేసేందుకు తనకు అనుమతి ఇవ్వాలని వరుణ్ గాంధీ అంతకు ముందు కోర్టును కోరారు. కోర్టు అందుకు అనుమతి ఇవ్వడంతో ఆయన నామినేషన్ దాఖలు చేశారు. తాత్కాలిక పెరోల్ పై విడుదలైన తర్వాత ఆయన ఉత్తరప్రదేశ్ లో పలు చోట్ల ఎన్నికల ప్రచారం నిర్వహించారు.