పెరోల్ పై సుప్రీంకు వరుణ్ గాంధీ

న్యూఢిల్లీ: భారతీయ జనతా పార్టీ (బిజెపి) ఫిలిభిత్ అభ్యర్థి వరుణ్ గాంధీకి ఇచ్చిన రెండు వారాల పెరోల్ గడువు శుక్రవారం ముగుస్తుంది. దీంతో తన పెరోల్ ను పొడిగించాలని ఆయన సుప్రీంకోర్టుకు వెళ్లే అవకాశం ఉంది. రెండు వారాల పెరోల్ తో వరుణ్ ఈ నెల 16వ తేదీన ఈటా జైలు నుంచి విడుదలయ్యారు.

పెరోల్ పై విడుదలైనప్పటి నుంచి పార్టీ విజయం కోసం వరుణ్ ఉత్తరప్రదేశ్ లో విస్తృతంగా ప్రచారం నిర్వహిస్తున్నారు. విద్వేషాలను రెచ్చగొట్టే ప్రసంగం చేసినందుకు గాను ప్రభుత్వం నాసా కింద వరుణ్ గాంధీని అరెస్టు చేసింది. తొలుత ఆయనను ఫిలిభిత్ జైల్లో ఉంచారు. భద్రతా కారణాల రీత్యా ఆ తర్వాత ఈటా జైలుకు మార్చారు.