ప్రజారాజ్యమే మెగాపార్టీ: చిరు

విశాఖపట్నం: రాష్ట్రంలో పాలనా యంత్రాంగం విఫలం అయినందున ప్రజారాజ్యం పార్టీ ఆధ్వర్యంలో ఏజెన్సీ ప్రాంతాల్లో ప్రజారాజ్యం పార్టీ తరుపున వైద్య శిబిరాలను ఏర్పాట్లు చేస్తున్నామని ఈ పార్టీ అధినేత చిరంజీవి అన్నారు. గురువారం ఆయన మీడియాతో మాట్లాడుతూ.. రాష్ట్ర భవిష్యత్‌ దృష్ట్యా తాను ఫలితాల తర్వాత ఎటువంటి నిర్ణయాలు తీసుకున్నా ప్రజలు ఆమోదిస్తారన్న ఆశాభావాన్ని ఆయన వ్యక్తం చేశారు. మన్యంలో జ్వరాలను పట్టించుకోరెందుకు అని రాష్ట్ర ప్రభుత్వాన్ని చిరు సూటిగా ప్రశ్నించారు.

మరోవైపు రాష్ట్ర రాజకీయాల గురించి మాట్లాడుతూ ఎన్నికల్లో పీఆర్పీకి మ్యాజిక్‌ ఫిగర్‌ వస్తుందని, ఎవరి మద్దతు ఇవ్వాల్సిన, తీసుకోవాల్సిన అవసరం లేదని అన్నారు. ఎన్నికల ఫలితాలపై తమ పార్టీ నేతల అంచనాలు ఎలా ఉన్న తన అంచనాలు తనకు ఉన్నట్లు చిరు తెలిపారు.