క్రికెట్ వ్యాఖ్యాతగా దీపికా పడుకొనే

ముంబయి: క్రికెట్ ట్వంటీ 20 ప్రపంచ కప్ పోటీల సందర్భంగా బాలీవుడ్ నటి దీపికా పడుకొనే గెస్ట్ కామెంట్రేటర్ గా దర్శనమివ్వనున్నది. ఇంతియాజ్ అలీ దర్శకత్వం వహించిన తన తదుపరి చిత్రం లవ్ ఆజ్ కల్ సినిమా ప్రమోషన్ కోసం క్రికెట్ వ్యాఖ్యాతగా అవతారమెత్తాలని ఆమె నిర్ణయించుకుందట.తన సహనటుడు సైఫ్ అలీఖాన్ తో ఆమె లండన్ కు వెళ్లి ట్వంటీ 20 ప్రపంచ కప్ పోటీలకు హాజరు కానున్నట్లు సమాచారం.

ట్వంటీ 20 ప్రపంచ కప్ పోటీలు జూన్ 5వ తేదీన ప్రారంభం కానున్నాయి.దర్శకుడు, నిర్మాత అయిన సైఫ్ అలీ ఖాన్ తన సినిమా ప్రమోషన్ కోసం వచ్చే అవకాశాన్ని కూడా వదులుకోవడానికి సిద్ధంగా లేడని చెబుతున్నారు. దీంతో అతను దీపికా పడుకొనేతో కలిసి లండన్ వెళ్లడానికి తయారయ్యారు.